YANGA SC WATWAA NGAO YA JAMII KWA KUIBAMIZA SIMBA SC 2-1

 

YANGA SC wamefanikiwa kuchukua Ngao ya jamii kwa kuifunga Simba SC 2-1 katika mchezo uliochezwa usiku huu Uwanja wa Benjamin Mkapa Jijini Dar es Salaam.

Shujaa wa Yanga SC leo ni mshambuliaji, Fiston Kalala Mayele aliyefunga mabao yote mawili kipindi cha pili.

Simba walifanikiwa kutangulia kuifunga Yanga SC, kupitia winga hatari, Pape Ousmane Sakho dakika ya 16 baada ya kuutokea vizuri mpira wa adhabu uliopigwa na kiungo Mzambia, Clatous Chotta Chama na kumuuza kipa wa Kimataifa wa Mali, Djigui Diarra.

Kipindi cha pili Mayele alifanikiwa kuifungia Yanga SC bao la kwanza dakika ya 50 akimalizia pasi ya kiungo wa Kimataifa wa Burkina Faso, Stephanie Aziz Ki na bao la pili dakika ya 80 baada ya kuwachambua mabeki watatu wa Simba kufuatia pasi kutoka kwa kiungo Mganda, Khalid Aucho.

Msimu uliopita Yanga SC walianza kuifunga Simba SC 1-0 kwenye mechi ya Ngao ya Jamii, bao hilo likifungwa naMayele pia. Hivyo huu unakua ni mwanzo mzuri kwa Yanga kuelekea ligi kuu.