RAY VANNY KUTUMBUIZA TAMASHA LA AZAMKA KESHO

 

KESHO, Agosti 14 Azam FC watafanya tamasha kuadhimisha siku ya timu yao Azam FC, tamasha hilo limepewa jina la AZAMKA. Katika tamasha ilo Uongozi wa Azam SC umefanya kitu cha tofauti kidogo ambapo, waandaaji watakuwa ni mashabiki wenyewe kwenye maandalizi yote.

Afisa Habari wa Azam FC, Zakaria Thabit amesema kuwa wameamua kufanya hivyo ili kuwa tofauti na kuwapa uhuru mashabiki wao kufanya kile ambacho wanakipenda.

“Mbali na kucheza mchezo wa kirafiki dhidi ya Zanaco, mashabiki wenyewe wataunda timu zao na kushindana wenyewe kwa wenyewe na pia kutakuwa na burudani kutoka kwa Rayvany,” amesema afisa Habari wa Azam SC.