SIMBA YAPATA UDHAMINI WA BILIONI 26 KUTOKA M-BET

MTEDAJI Mkuu wa Simba SC, Barbara Gonzale amesema kuwa leo ni siku kubwa kwa timu ya Simba SC na kampuni inayojihusisha na michezo ya kubashiri ya M-Bet ambayo ni wadhamini wao wakuu walioweka mkwanja mrefu kwa muda wa miaka mitano.

Akizungumza leo wakati wa hafla ya kuutambulisha rasmi udhamini huo, Mkurugenzi wa Masoko wa M-Bet, Allen Mushi amesema kwamba "Tunaamini kama M-Bet tukishirikiana na Simba SC tutajitangaza ndani na nje ya Tanzania."

Akitoa mchanganuo wa udhamini huo, Mushi amesema kwamba “Mwaka wa kwanza Simba watapata Sh.Bilioni 4.670, mwaka wa pili Sh. Bilioni 4.925, mwaka wa tatu Sh. Bilioni 5.205, mwaka wa nne Sh. Bilioni 5.514 na mwaka wa tano na mwaka wa tano Sh. Bilioni 5.853. M-Bet ni kampuni namba moja ya michezo ya kubashiriki sasa tunashirikiana na klabu namba moja Tanzania,”