RATIBA LIGI YA MABINGWA, YANGA SC KUANZIA SUDAN KUSINI NA SIMBA SC WATAANZIA MALAWI

 MABINGWA wa Tanzania, Timu ya Wananchi, Yanga SC wataanzia ugenini dhidi ya Zalan ya Sudan Kusini katika Raundi ya Kwanza ya Ligi ya Mabingwa Afrika, wakati watani wao, Simba wataanzia ugenini pia dhidi ya Big Bullets ya Malawi.

Mshindi kati ya Yanga na Zalan atakutana na mshindi kati ya St. George ya Ethiopia na Al Hilal ya Saidia, wakati mshindi kati ya Simba na Big Bullets atakutana na mshindi kati ya Red Arrows ya Zambia na Primiero do Agosto ya Angola.
Mechi za kwanza za Raundi ya kwanza zitachezwa kati ya Septemba 9 na Septemba 11 na marudiano Septemba 16 na 18, wakati za Raundi ya pili zitafuatia kati ya Oktoba 7 na 9 na marudiano Oktoba 14 na 16.
Washindi wa Raundi ya Pili Ligi ya Mabingwa watafuzu hatua ya makundi na watakaotolewa hatua wataangukia kwenye kapu la kuwania kucheza Kombe la Shirikisho.