MTOTO WA ALIYEKUWA RAIS WA ZIMBABWE ROBERT MUGABE APATA AJALI MBAYA YA GARI

 Mtoto wa aliyekuwa rais wa zamani wa Zimbabwe, Robert Gabriel Mugabe, Robert Tinotenda Junior, aliripotiwa kuhusika katika ajali ya kutisha baada ya gari lake la kifahari aina ya SUV kupinduka.

Kulingana na chapisho la shirika la Habari la Bulawayo24, ajali hiyo ilitokea wakati gari lake aina ya Range Rover Vogue lilipopinduka katika eneo la Nyanda za Juu Mashariki mwa Zimbabwe.

Ajali ya Robert Junior inaripotiwa kutokea eneo la Rwatsumbu kabla ya Watsomba, barabara ya kutoka Mutare kuelekea Inyanga.

Chanzo cha ajali hiyo bado hakijabainishwa.

Hata hivyo, mtoto wa Rais huyo wa zamani inasemekana hajapata majeraha makubwa na kwa sasa yuko hospitalini ambapo anaangaliwa.

Chanzo: Bulawayo24