YANGA YAJIGAMBA KUTWAA MAKOMBE YOTE MSIMU UJAO

 

Wawekezaji katika timu ya Yanga SC wametamba ya kuwa wanataka kubeba mataji yao, kuanzia Ngao ya Jamii, Ligi Kuu na Kombe la Shirikisho la Azam Sports ikiwa ni mkakati wao wa kutawala soka la Tanzania kiujumla.

Timu hiyo ys Yanga SC imetamba kwamba hakuna wa kuizui hasa ukizingatia wamesaini mkataba mnono wa udhamini na Kampuni ya SportPesa wa bilioni 12.3 huku wakiwa na uhakika wa kuingiza zaidi ya bilioni moja kwa mwezi, ukiunganisha fedha za wadhamini wao wote, hiyo inawapa nguvu ya kuendelea kujigamba kwamba watatwaa makombe yote msimu ujao.

Mjumbe wa Bodi ya Wadhamini wa Yanga, Abbas Tarimba amesema: “Tunajivunia kwa kufanikisha tukio letu muhimu la uzinduzi wa jezi mpya ambazo bila shaka yoyote ndizo jezi bora zaidi kuiwahi kutengenezwa nasi, hii ni sehemu ya maandalizi yetu ya kabla ya msimu unaokuja.

Kikosi hicho kwa sasa kinaendelea kujinoa kule Avic Town, Kigamboni mkoani Dar es Salaam, wakiwa wanajiandaa na msimu ujao wa ligi.