CRISTIANO RONALDO ASEMA YUKO FITI KWAAJILI YA KUPATA NAFASI YA KUANZA KATIKA KIKOSI CHA KWANZA CHA ERIK TEN HAG KWA SAFARI YA MAN UNITED KWENDA BRENTFORD.

 MSHAMBULIAJI matata wa Manchester United Cristiano Ronaldo amesema kuwa yuko fiti na yuko tayari kucheza huku akiwa amepost picha zake akiwa mazoezini kabla ya safari ya Jumamosi kwenda Brentford.

Katika picha kadhaa alizozipost kwenye akaunti yake ya Instagram, Ronaldo anaonekana akikimbia mbio, na kuucheza mpira kwenye uwanja wa Carrington,

Katika moja wapo ya picha zake aliandika ujumbe 'Hard work always pays', na post hiyo ya Ronaldo ilipata likes zaidi ya 4.5million ndani ya saa 24 za kwanza baada ya kupostiwa na swali kubwa ni iwapo amefanya vya kutosha kwenye mazoezi wiki hii ili kuweza kupangwa kikosi cha kwanza  chini ya Erik ten Hag.

Mshambulizi huyo mwenye umri wa miaka 37 aliachwa nje ya kikosi cha kwanza cha Ten Hag katika mechi ya kwanza ya Ligi Kuu ya Uingereza katika uwanja wa Old Trafford, wakati United ilipochapwa mabao 2-1 na Brighton.

Ronaldo aliingia kipindi cha pili katika mchezo huo, akichukua nafasi ya Fred katika dakika 53, jambo lililowafurahisha mashabiki. Japo United ilipoteza mechi hiyo kwa kuchapwa mabao 2-1 na Brighton.