WILL SMITH AOMBA RADHI KWA CHRIS ROCK

Will Smith ameomba msamaha hadharani kwa Chris Rock, mkewe Jada Pinkett Smith, na watu wengine mbalimbali katika video mpya, iliyochapishwa Ijumaa (29 Julai).

Katika klipu hiyo ya takriban dakika sita, mwigizaji huyo alizungumzia ugomvi wake na mchekeshaji Chris Rock kwenye tuzo za Oscar mwezi Machi, ambao ulifanyika baada ya Rock kufanya mzaha kuhusu mtindo wa nywele za mkewe Jada Pinkett Smith.

Smith alimsogelea Chris Rock jukwaani na kumpiga kofi usoni, kabla ya kumtukana.

Kitendo hicho kimejadiliwa sana tangu wakati huo, watu mashuhuri na watazamaji wakitoa maoni juu ya ugomvi huo wa kushangaza.

Miezi mitatu baada ya tukio hilo, video ya Will Smith kwa mashabiki wake inajibu maswali kadhaa kuhusu wakati huo.