TAIFA STARS YAICHAPA SOMALIA NA KUSONGA MBELE MICHUANO YA CHAN

Timu ya Tanzania, Taifa Stars imefanikiwa kusonga mbele katika michuano ya kuwania tiketi ya fainali za CHAN mwakani baada ya ushindi wa goli 2-1 leo dhidi ya timu ya Taifa ya Somalia Uwanja wa Benjamin Mkapa Jijini Dar es Salaam.

Mabao ya Taifa Stars yamefungwa na Abdul Sopu dakika ya 34 na Dickson Job kwa penalti dakika ya 64, wakati la Somalia limefungwa na Farhan Ahmed dakika ya 47.
Taifa Stars inasonga mbele kwa ushindi wa jumla wa goli 3-1 baada ya ushindi wa awali wa goli 1-0 wakati wa mechi ya awali iliyochezwa  hapo hapo katika uwanja wa Benjamin Mkapa.

Stars inasonga mbele na inatarajiwa kucheza na Uganda mchezo ujao.