MAKIPA WANGU WANAIMARIKA KWA HARAKA-DANI CADENA, KOCHA WA MAKIPA AZAM SC

 

KOCHA wa makipa wa Azam FC, Dani Cadena, raia wa Hispania ameanza kupata matumaini na makipa baada ya kukiri kuwa makipa wake wameanza kuimarika.

Kocha huyo wa makipa, Dani Cadena, alichukua mikoba ya ukocha wa makipa kutoka kwa Idd Abubakar, na ameanza kazi hiyo kwenye kipindi hiki cha maandalizi ya msimu mpya.

 

Makipa alioanza nao kazi katika kikosi hicho, ni Ali Ahamada, Ahmed Salula na wengine chipukizi, Wilbol Maseke na Zuberi Foba.

Akizungumza na mtandao rasmi wa klabu, www.azamfc.co.tz Cadena alisema kuwa makipa wake wameanza kuzoea mafunzo yake huku wakiimarika kwa haraka sana.